Pysjurnar

Fleiri myndir

raeman — Tue, 16 Dec 2008 18:26:18 +0000

Góður jólaklúbbur í gær hjá Eygló. Rósa búin að setja inn fleiri myndir. Vonandi fer maður að sjá myndir frá Svönu og Ásdísi fljótlega

Mynda saknað

raeman — Sun, 13 Jul 2008 23:49:44 +0000

Sælar konur

Er ekki komið að því að setja inn myndir af verkum ykkar, af nógu er að taka.

Þorgerður

Föndurkvöld

raeman — Sun, 30 Mar 2008 13:50:35 +0000

Sælar stelpur. Lítið að gerast á síðunni okkar en þó komið að föndurkvöldi hjá Svönu miðvikudaginn 2. apríl. Ég er að hugsa um að taka með mér blokkir sem ég er að gera í mánaðarteppinu sem ég byrjaði á í síðustu viku, mjög spennandi.
Hlakka til að sjá ykkur.
Þorgerður

Föndurkvöld

raeman — Sat, 01 Mar 2008 15:50:30 +0000

Þá er það næsta föndurkvöld hjá mér, miðvikudaginn 5. mars.
Hlakka til að hitta ykkur.
Þorgerður

Hinn mikli saumalaugardagur

raeman — Sat, 23 Feb 2008 18:48:02 +0000

Saumalaugardagurinn rann upp eins og allir dagar. Við vorum búnar að hlakka mikið til og setja okkur í stellingar. Við urðum ekki fyrir vonbrigðum. Því miður vantaði Rósu en hún verður með næst. Svana byrjaði á draumapúðanum sínum. Hún skar og skar niður efni í hann og við vorum farnar að vorkenna henni að eiga eftir að sauma þetta allt saman aftur. Eygló sem þykist ekki mikið hafa verið í bútasaum fannst þetta náttúrulega alveg út í hött, að skera efnið allt niður í örsmáa búta og sauma þá svo saman aftur og fór eitthvað að tala um ÞESÁ-syndróm. Við vorum farnar að kalla púðann ,,martröð” en ekki draum. Það komst samt mynd á bútana hennar Svönu þegar henni tókst að sauma eina blokk áður en við hættum Þorgerður dundaði sér við Hetjuteppi sem hún er að sauma ásamt Rögnu Páls í Lundarskóla. Eygló byrjaði á meistarastykkinu sínu sem er dúkur á stofuborðið hennar og gekk bara vel. Ásdís ræðst ekki í nein smáverkefni heldur setti saman heilt teppi, þræddi og setti bindingu, engin smá afköst það. Rúsinan í pylsuendanum var þegar Gunni hennar Svönu kom með konudagskökuna sem við kláruðum næstum því. Takk fyrir okkur Gunni

Hvað er framundan?

raeman — Fri, 08 Feb 2008 14:54:31 +0000

Hvað er framundan?

Í fyrsta lagi ætlar hver og ein að mynda verkin sín og setja inn á síðuna okkar.
Svo er föndurkvöld einu sinni í mánuði, næst þann 5. mars hjá Þorgerði.
Lengi hefur staðið til að hafa saumahelgi í Sandvík á Hauganesi. Nú er búið að ákveða að gera það síðustu helgina í apríl 2008. Þar ætlum við að sauma frá föstudegi til sunnudags, fara í pottinn hennar Eyglóar og svo fáum við okkur að öllum líkindum stuttan göngutúr ef tími vinnst til. Eiginmennirnir ætla svo að koma og elda handa okkur, en þeir munu hafa aðsetur í öðru húsi.
En áður en af því verður ætlum við að hittast einn langan laugardag, sauma saman og hita upp.
- Laugardagurinn 23. febrúar verður væntanlega fyrir valinu

Föndurkvöld á afmælisdegi Ásdísar

raeman — Wed, 06 Feb 2008 20:12:18 +0000

Öskudagskvöldið 6. febrúar var föndurkvöld heima hjá Eygló á afmælisdegi Ásdísar. Auðvitað mætti Ásdís þó hún ætti afmæli. Til hamingju með afmælið Ásdís okkar

Saumalaugardagur í Norðurorku

raeman — Fri, 25 Jan 2008 20:54:50 +0000

Laugardaginn 26. janúar var boðað til saumalaugardags í Norðurorku. Ásdís og Þorgerður fóru og sáu ekki eftir því. Þarna sáum við margt forvitnilegt sem aðrar konur eru að gera. Vonandi verða fleiri svona dagar.

Halló – hér erum við!!!

raeman — Mon, 21 Jan 2008 23:14:49 +0000

Jæja, þá er hún farin í loftið föndursíðan okkar sem við höfum talað um í nokkra mánuði að koma okkur upp!! Vonandi verður hún okkur bæði til gagns og ánægju og ekki væri nú verra ef einhver þarna út á hinu stóra Interneti hefði gaman af að skoða hana líka